خولی ڕێکارەکانی کرداری نەخۆشخانە لە پەیمانگەی تەکنیکی تایبەتی ڕواندز بەڕێوەچوو (2025-09-21)

ڕۆژی یەک شەممە ٢١ـی ئەیلولی ٢٠٢٥، لە پەیمانگەی تەکنیکی تایبەتی رواندز، بە هەماهەنگی لەگەڵ (Clinic Zone)، بە سەرکەوتوویی خولێکی ڕاهێنانی تایبەتمەند بە ناوی "رێکارەکانی کرداری ناخۆشخانە" ئەنجامدرا, کە لەلایەن مامۆستا و ڕاهێنەر "علی یوسف عبد" بەڕێوەچوو. ئەم خولە ئامانجیەتی کە ئەزموونی دەستی بنەڕەتی لە نەخۆشخانەدا بە قوتابییان و بەشداربووان بدات و ئامادەیان بکات بۆ ڕووبەڕووبوونەوەی دۆخە پزیشکییە ڕاستەقینەکان بە متمانە و لێهاتووییەوە. ✨ ئەم خولە دەرفەتێکی بەنرخی بۆ قوتابییان ڕەخساند، کە توانا پیشەییەکانیان بەهێز بکەن و زانیارییەکانیان لە پراکتیکی کلینیکیدا قووڵتر بکەنەوە. پەیمانگەی تەکنیکی تایبەتی ڕواندز بەردەوامە لە گرنکیدان بە پەروەردەی کواڵیتی بەرز و ڕاهێنانی پراکتیکی و، دڵنیایی دەدات لەوەی کە قوتابییەکانی ئامادەن بۆ خزمەتکردنی کۆمەڵگا بە لێهاتوویی و خۆبەخشی.